Author Topic: Yuh know you are a socawarriors.net junkie when..... (Read 30500 times)

skins · « **Reply #30 on:** October 25, 2005, 12:31:03 PM »

900 post in a month

TrinInfinite · « **Reply #31 on:** October 25, 2005, 12:42:33 PM »

yuh know yuh iz a warriors sprangah when yuh come on de board and tryin 2 find something 2 post, when yuh have nothin tuh say

TrinInfinite · « **Reply #32 on:** October 25, 2005, 12:45:57 PM »

even better, yuh know yuh iz a junkie when yuh have someone bringin food and beverage 2 de computer 4 u, coz yuh dont want tuh leave de board

oconnorg · « **Reply #33 on:** October 25, 2005, 12:51:38 PM »

Quote from: TrinInfinite on October 25, 2005, 12:45:57 PM

even better, yuh know yuh iz a junkie when yuh have someone bringin food and beverage 2 de computer 4 u, coz yuh dont want tuh leave de board

da is ah good one...

TrinInfinite · « **Reply #34 on:** October 25, 2005, 01:18:11 PM »

also yuh know ur a junkie when ur main goal at year end is 2 obtain hero warriors status

andre samuel · « **Reply #35 on:** October 25, 2005, 01:39:50 PM »

yuh know yuh is ah socawarriors.net junkie when yuh see ah big story on de news and yuh rush tuh post it online only tuh see that it up already!!

yuh know yuh is ah socawarriors.net jumbie when yuh could read one ah albertatrini's posts in 10 seconds! lol

yuh know yuh is ah socawarriors.net junkie when yuh vex that yuh refresh yuh page and no new topic ent come up yet!!

ah love it!!

TrinInfinite · « **Reply #36 on:** October 25, 2005, 01:43:09 PM »

like dat one samuel

real madness · « **Reply #37 on:** October 25, 2005, 02:51:33 PM »

Quote from: SHOTTA on October 25, 2005, 10:34:17 AM

ah gone till later with this 1

wen u see a post by alberta or palos or one dem who famous for writing novels and jus read d replies and post to suit but willing to quarel wit man who against ur view

...very true.

SHOTTA · « **Reply #38 on:** October 25, 2005, 02:58:35 PM »

Quote from: andre samuel on October 25, 2005, 01:39:50 PM

yuh know yuh is ah socawarriors.net junkie when yuh see ah big story on de news and yuh rush tuh post it online only tuh see that it up already!!

yuh know yuh is ah socawarriors.net jumbie when yuh could read one ah albertatrini's posts in 10 seconds! lol

yuh know yuh is ah socawarriors.net junkie when yuh vex that yuh refresh yuh page and no new topic ent come up yet!!

ah love it!!

ohhhh gormmm

andre u correct dey horse

u know u a junky wen a man from d site call u post ting like he thinkin u always by a pc an u post cuz u was dun online aready

truetrini · « **Reply #39 on:** October 25, 2005, 03:33:58 PM »

when yuh get up in de morning at 3 am to pee and yuh check to see if it have any new threads!

Cowen · « **Reply #40 on:** October 25, 2005, 04:02:15 PM »

U know yuh is a Socawarriors.net junky when yuh talking to a man from the site and ah nice topic between allyuh come up...and yuh racing home to put it first.

Feliziano · « **Reply #41 on:** October 25, 2005, 04:12:44 PM »

Yuh know yuh is ah Soca Warriors Junkie when regardless of anything men here say..it is real crack yuh up

troy piloy · « **Reply #42 on:** October 25, 2005, 04:36:08 PM »

Yuh know yuh is a socawarriors.net junkie when yuh post a reply to a thread and checking every five minutes to see if anybody respond to yuh post.

morvant · « **Reply #43 on:** October 25, 2005, 05:11:31 PM »

when tallman not around yuh know yuh could get away with posting all these non football treads

troy piloy · « **Reply #44 on:** October 25, 2005, 05:21:22 PM »

There goes morvant man again padding his stats.

Yuh know yuh is ah socawarriors.net junkie when yuh cannot stand RF and warmonga.

morvant · « **Reply #45 on:** October 25, 2005, 05:23:07 PM »

wait wait wait i like warmonga. i doh find nuttin wrong with him

MickeyRat · « **Reply #46 on:** October 25, 2005, 05:24:38 PM »

YUH KNOW YOU ARE A SOCAWARRIORS.NET JUNKIE WHEN.....

...When yuh gal ask yuh wha KND, Trini, and de fella for Morvant saying....

JDB · « **Reply #47 on:** October 25, 2005, 05:54:46 PM »

....Yuh posting "question of the day" because yuh want "to see your name in lights"

troy piloy · « **Reply #48 on:** October 25, 2005, 06:20:57 PM »

yuh know you are a junkie when you had your 900th post today and will reach 1000 by month-end.

Marcos · « **Reply #49 on:** October 25, 2005, 06:36:35 PM »

...........when you place the strike squad on a pedestal.....................

...........when you pelt beer on some vex Guatemalans in Continental Cafe.................

...........when yuh get fed up and cuss up bahrainwillwin........................

............when you living outside of Trinidad and yet yuh feel like yuh home when yuh log in..................

fari · « **Reply #50 on:** October 25, 2005, 06:41:05 PM »

...when u supposed to teach a class at 1 pm but u still posting at 12:59:55

kicker · « **Reply #51 on:** October 25, 2005, 06:55:33 PM »

1) when yuh watchin' a game on TV, and as Stern John score, b4 yuh jump up for joy yuh post GOOOOOOOOOOAAAAAL !!!!!!!!!!! on the forum, hopin' that no one beat yuh to it.

JERSEY TRINI · « **Reply #52 on:** October 25, 2005, 07:05:39 PM »

When yuh sit down and read all the posts on this thread and just giggling at everyone because yuh know yuh doit already or it happen already, then yuh know yuh is a junkie for socawarriors.net

JDB · « **Reply #53 on:** October 25, 2005, 07:09:02 PM »

Troy Pilloy shooting some laser beams dey boy.

Let me jump in too:

When half of yuh posts is one line or a "smilie" rolling around laughing because yuh find that everybody must know when yuh find something funny.

troy piloy · « **Reply #54 on:** October 25, 2005, 07:19:30 PM »

Quote from: JDB on October 25, 2005, 07:09:02 PM

Troy Pilloy shooting some laser beams dey boy.

Let me jump in too:

When half of yuh posts is one line or a "smilie" rolling around laughing because yuh find that everybody must know when yuh find something funny.

Good one JDB

But i have to give some props

to the man who start this thread it was a great idea it really lightened some of the tension and anger on the site.
Well done oconnorg

What blood line you come from? I sure it is a good one.

Troy

NYtriniwhiteboy.. · « **Reply #55 on:** October 25, 2005, 07:22:15 PM »

...yuh have exam the next morning an yuh up till ridiculous hours on de site instead of studying

FireBrand · « **Reply #56 on:** October 25, 2005, 07:23:43 PM »

...when yuh geh cuss up by de wifey for de umpteenth time after yuh sneak outta bed at 2am and she ketch yuh trying to sneak een ah post.

FireBrand · « **Reply #57 on:** October 25, 2005, 07:33:04 PM »

When yuh customize yuh finta with yuh SW.net username and yuh feel like ah rhel dan when forumites hailing yuh out at ah game....like you is some big celebrity

JDB · « **Reply #58 on:** October 25, 2005, 07:37:31 PM »

Quote from: Fire Brand on October 25, 2005, 07:33:04 PM

When yuh customize yuh finta with yuh SW.net username and yuh feel like ah rhel dan when forumites hailing yuh out at ah game....like you is some big celebrity

...or your L-Sporto.

Good one dey.

trinbago · « **Reply #59 on:** October 25, 2005, 07:53:50 PM »

Yuh is a ah junkie when:

- when yuh jump straight on the computer after wok without changing your clothes or eating !!!!!

- When yuh excited about this same thread and yuh want to post something but yuh have nothin to say or somebody post it ahready !!

- When yuh show yuh boys at work(outside of Trinidad) the Stern John goal and yuh say that is the greatest goal ever !!! and they say yuh crazy

- When yuh show yuh boys at work(outside of Trinidad) the resume of Latas and Yorkie and cyah shut up about it !!!

Author Topic: Yuh know you are a socawarriors.net junkie when..... (Read 30500 times)

TrinInfinite

TrinInfinite

TrinInfinite

TrinInfinite

truetrini

MickeyRat