Oh gawd Dutty pardner, u ger-ing real Dirty with meh pardner. 'SLIM's brainwash juice' is ah good one, ah should patent that boy. But how ah coud be brainwash when all i am stating is facts that anybody can actually confirm. So as I said before ah black man kar make money now. If JW was English he woud r be Knighted by now but he's only ah trini.
I surprise yuh eh know dat...they are all private entities...if government get too involved, FIFA has the right to cancel them
So what about the Ministry of Sports PNM offering the TTFA the stadium free for the England game. If the TTFA had take, who was the money going to? So wouldn't the Govt be involved? Did the Govt help pay Benneker Salary? U lost meh day bredder.
Slimmyyy, slimmyyyyyy...how yuh movin left wit mih so? yuh movin like yuh hero jack...yuh aks ah question, trow some smoke and mirrors and talkin bout someting else. yuh eh even go on de FIFA site lookin for the laws..because yuh woulda never aks about de free stadium ting.
Yuh waitin for somebody else to feed yuh de
fax facts
Yuh talkin bout facts that anybody could confirm.....but yuh cyah give mih de name of ONE team yet....yuh still waitin on diamondSlim?
Slimmy, yuh see how yuh make de moderator cuss...yuh know de kinda energy required to get dem moderator vex boy...dem fellahs does never raise dey blood pressure.......ok except one who eh read de topic good
Anyway...ah find yuh fact 'bible'
JACK WARNERdong to the line about de 8 chairs de table & de $40,000 in de bank... turned global powerhouse that you and diamondslim always sproutin
dais it?...dais allyuh info?...everyting jack feed yuh, yuh eatin?
anyway if you want to get yuh eye dig out so "black man could make money"..go head, ...not me doh, I keepin my eye to see what really goin on
anyway back on topic..just ONE question fuh yuh...yuh type in big caps about the foreign based coaches..is you self create de topic...so who is responsible for sourcin dese foreign trini coaches...not yuh "genius "pardnah...so if none get hired or even ah interview...where de blame is to go? on de "JW cool aid drinkers on dis site"?
Okay to show how I willin to do some wukk for yuh...look yuh pardner JW say right here he goin and "pussonally" sponsor de Haiti u-17 team..so ah find one
SPONSOR......lemmih get ah list of de next 9 teams nah?
call diamondslim on he celly and organize lil bit.
Is only facts and 1 question ah aksin whole day slimmy?...dat eh so hard is it?
aks somebody to facts yuh dis book when yuh heng up de phone..ah know yuh go read it right away