Queen ya grip pack already
If you see dey list meh mudda email meh to bring down tings for she?
All how i telling dis woman dat is only hand luggage and meh camera bag ah was planning to walk ein customs wid, like she ain't hearing meh well. Dey lass time me and ah customs officer almost fall out bad....steupse
Now is 2 grip and hand luggage, like I coming for ah 2 months .....ah want to buss some serious cuss oui, but is she house ah putting meh head to sleep - so ah hadda stay quiet.
pecan ah trying to head down La Lune to take some snaps. ...fingers cross