smallest field available in T&T. Why not? Keep it tight and physical and see what happens. The Mexicans would not like it and if we keep our discipline and organization a result is definately possible.
Alyuh to tell you de truth me eh tink we should be playing any match on any small field, cause we doh have de composure to play in tight spaces. We done cyar pass in big field wey we have all dat space to play. The minute man keeping tings tight on we is problems. We players not good when de opposition keeping we in check.
WE not playing dat brand of ball anymore , gone are de days when we had men with skills to kill.....no Dwarika,Shawn Boney, Dexter Cyrus, Leonson Lewis, Clint Marceille, Russell Latapy.....ur kech wha ah saying. Dem days when we had players dat u could ah count on to run rings around man in de penalty box and do some damage.Alyuh remember when rain fall before match time how man use to lick dey chops before dey go in de stadium because dey imagining how much beat we team go give de opposition cause dey feel dais we time to win.
De fellas we have now doh have de ability at this time to run at man without any thought for who dey be. Dey fraid when dey see ah man coming at them..............And so de bad passing of the ball continues.
We have ah lil identity crisis in we football at the moment we need to get those players again de ones who know to keep ball closer to dey feet. So before we start callin fuh dat small field ting leh we tink again eh. Last night it didn't wuk in we favor so fuhget bout dat .
Gih meh de Haseley Crawford stadium please!