supa...gimmie ah lil roach nah..lol..
Big Mag and de rest, yuh see how all yuh wicked boi. All yuh insist dat Supa was burning ah big head eh. Nah on ah serious note, wid all de party and concert promotions, meh bois in de crew and meh gangster friend and dem from yard, if is one thing ah cud safely say on meh son life, ah doh bunn it, seriously ah don't. Ah not against anyone bunnin it, but it is not my thing. Apart from dat, is ah lil chance ah does be taking, tuh drink a lil cold one, ah will go dat far and bunn it, yuh must be mad. All yuh know my religion, we doh deal wid, pork, drugs, liquor (shhhhh
). But cool thing, all de comments were really funny, everything cool
.
HIGHLY BLESSED.
On a different note, whether de bosses merge de thread or not, it didn't matter tuh me, cuz ah was just playing. Cuz all yuh know I doh be starting thread and thing round here. Just fuh de records, yuh know yuh self, dis vibes here is for info, exchanging ideas and ketchin ah good laugh. Nothing more, being here do pay me or put dat paper in my pocket. So guess what, while your big pips is being here on de forum mines is working a real job, promotion and getting paid baby, dat is what is really good round here. So is not like ah was looking fuh rank by starting a thread, Yuh know ah say it straight up, cuz Supa doh fear people, ah does respect people
.
HIGHLY BLESSED.