Berris, I jes get ah call from Real Madrid trying to verify if Stern really injured as oyu say. Dey say dey interested in him and want to sign him on ah one year deal, but now??
Dey say dey going after Birchall.
yuh spoil de man chances, yuh know clubs does read dese posts and dem..steups.....
Yuh eh see dey shud lock up man like all yuh and trow wey de facking key fuh spreading bad news , it was Barcelona who was interested and not RM and is Spann dey now after and not Birchall,get yuh blasted facts straight nah man .
aye berris this is good talk ? or allyuh just joking around? Stern was getting something in Spain ?
Yeah is good talk... apparently it was a swap deal with Eidur Gudjohnsen going to Bristol City and Stern going to Barcelona as a backup for Eto'o.
Stop playing nah man, meh boi Stern tuh Barcelona. All yuh does make real bad jokes round here boi, yuh doh know how good ah man heart is, so please stop it right now. Well ah doh smoke at all eh, but if dat news is real, and it really play off
.Ah doh smoke at all, but dat will surely deserve ah big head
. Imagine Stern getting service from Messi, Henry, Eto'o, and ah doh have tuh mention de midfield crew, dat is drama by itself, damn. Is Barcelona we talking bout yuh know, but den again all yuh does play too much, so let meh just calm down eh
.
HIGHLY BLESSED.