Me eh know nah, but when ah went on tour wid United Airlines touring team, 8 out of 10 times we (Argentinian, Jamaican and myself) use tuh sleep wid ah girl every night before a game or games. Well ah cud say one thing, we use tuh wake up wid ah huge smile, giving each other bounce and thing, typical men, bragging about de night we had. But on de field we we were all toast and walking de game between 55 and 65 minutes, pressure 
. HIGHLY BLESSED.
Supa dat sounding like is hoes all yuh was bulling....Yuh lucky yuh get ah full 55 out ah yuh self. Some ah dem gyal does give men instant dry cough and dizzy feeling. And doh matter how much yuh bathe, yuh does still smell dem on yuh body while yuh running. (Not saying is ah bad sent), but yuh could tell dat yuh body is not de same.........Ah old man tell meh dat, ah not talking from experience
Yuh sure ah old man told yuh dat? Doh be shy, ah wouldn't tell anyone on de forum yuh secret
.
Seriously doh my yute, ah wouldn't say de people girl children were hoes. Let meh put it like dis, there were 5 outstanding players on de team and 3 of us were part of dat 5. The Argentinian yute, he was 20 years at dat time, by far de most talented and gifted player on de team and most times in de tournaments. We use tuh beg him tuh go for trial wid an MLS team, de coach even set up one out of FL and he turned it down at de last minute. De yute was wicked fuh years, trust meh.
Well wid dat said, ah doh know how much ball yuh ever play and to de level yuh played (no dis). But when yuh go on ah lil tour and play ah tournament and girls watching or even de nice girls in de hotel (employees) will check yuh out. Ah mean if yuh is not ah retard and yuh cud say simple things as hello how are you doing and start a conversation, yuh cud get girls. Yuh doh even have tuh kick ah ball and be de star or be one of de star players on ah team, tuh get girls. Is normal girls ah talking about man, accountants, flight attendants, hotel employees, spectators, waitresses at de restaurants we had dinners, etc. Doh get meh wrong doh, ah not swearing fuh dem females at no cost, but ah will safely say dat dey didn't appear tuh be hoes
.
HIGHLY BLESSED.
