allyuh good yes, ah cyah remember where ah watch the game, buh ah remember running outside an skyin a '50 and ah blue when the man kick dah ball from Jack kickout.. wha he ha to go by d man for..he sellin..then somebody shout out dis-allowed...ah run back inside just in time to see meh bottles bounce harmlessly behind he goal..look good, yuh
go might see 2 brown bottle one with ah green/red label (50) and one with ah blue, just bounce by the field...(come to think ah it, dey miight be now landing, ah pelt from Canada, yuh know, meh arm not what it used to be)
..thank god ah miss yes..ah remember telling mrsG how shame ah wudda be if he did get hurt, she sayin "buh the way you does get on everytime TT playing, yuh doh have none" ..*steups* ah musbe was home, cause I doh behave so in public
