Greetings massive. It has been a long muddah fack in time ah eh vibe on de forum. Yuh know how it is, as mey dad always tell meh, when yuh have health and strength, beat de iron while it is hot. So wid dat said, wid me work in de airport, family time and promotions wid concerts and dance, it does leave de breddah breathless some days. Well ah not complaining at all, cuz I am very thankful to Allah for de opportunity tuh compete out there and take care of my family and set up something solid fuh meh son when he get older, give thanks.
Mey boi Stern did not surprise meh at all. De breddah is ah real tuff cookie dat will not fade from playing de game dat easily. Hold it Stern, hold it. Tuh de new members, welcome tuh de forum. However, ah will be straight up and also tell some ah all yuh do get carried away and think yuh running things round here, cuz yuh on de forum 24/7 and have 3,4, 5,000 posts etc. De reason ah saying dis, is b cuz at times ah will take ah quick peep on de forum without loging in and some ah dem does be going on ah way. Yeh, yuh wondering who de fack is me, well my name is Supa, de leader and owner of Supa & De Enterprise in Hollywood, Miami and NY. Huh, call ah friend, PM ah friend, before yuh violate. HIGHLY BLESSED.