Eh!!! Doh come back at any level Otto. De support yuh received was minimal. If is ah Carnival yuh coming for, go ahead and play yuhself. We have bois bande, pacro water and all kinda thing to help yuh old self out. But football? Eh eh...we eh serious in these parts. In some countries, dey go to war based on football results. In others, de National Football Team Performance does get mention during an Election Campaign. Not over here boy. Politician busy talking bout self starving man eating doubles in secret and thing. Doh study T&T. We eh serious yet. Imagine man was talking bout how BSC Age was a blasted hindrance and we wasting money sending ah old man like he to Man U fuh training and then we turn round and hire you later on. Leave dis Pappy Show alone sah.