mih pardner jerry (he ha one short foot buh he could bat)
De Indian fella from caroni (he does hit de winball far far)
Jamesy (he come of retirement this year an bat 2 inns fuh Spartax sports from Mon Dievo)
Old Singh (if he doh carry any puncheon to down under)
Young Singh( if he doh carry any puncheon fuh Old Singh)
Mih one and only keeper.... One eye Rielly
Mih bowlers now
Lanks ( He really cyar bowl but he tall tall)
Bertsie (he fadder have money)
De doubles man by Number One Woodbrook place (Ah really doh know if he does play cricket, but he doubles does taste too good to leave him behind)
Ah go carry Bakes ( he cussing people with a modum of decency now, he could sledge the aussies and dey ent goh understand)
Sexy Sandra ( she does want to play with all de boys, so she does always get pick)
Clive LLoyd ( He goh like to be on this team because it is a team for the future )
I eh bound fuh no damn reserves. Non ah dem fellas or lady going down dey to hurt dey self unless Old Singh geh hold of ah bottle ah puncheon rum.