Las night over 150 people gather in de little sweat box in Paddington London to watch de game.De seen was , upstairs de had a projector showing on a piece of glass covered by a piece a white sheet or paper, unevenly cut. So de whole ting uneven, de left side up in de air de right side down on de ground. At about 10 o'clock mi pardner call me from sports cafe and tell me dat de place empty and dey have about 4 screen fuh de self, so me and mi crew, 4 strong head down dey. About 10:35 de fellas we leave dey callin we, " de game en showin boy someting wrong wid de channel". Now mind you cover charge is £5 and nobody en gettin in without dat. about 10:05 phone ring " weh alyuh is we comin down dey, flickin ting still en showin". Apparently, was a pay per view game /channel, and dey en bother to pay for it, so yuh could imagine how man geh on.Me and my crew had 2 tv to we self to watch de game. Man jus lookin to make quick easy money.