Filho you is de one missing de point here,we talking bout ignorant journalist reporting incorrect information.This eh have nuttin to do wid wedda de average Trini cud say wey Mongolia or Fiji etc is.
Deal wid de topic, it's about de ignorance of de journalist who eh find it fit to do de research becuz ah far as dem concern is ah smal nobody country,so we cud say anything bout dem.
Yuh explanation for why dey have dah small minded opinion on we is weak.So becuz we have post cards showing how relax and laid back caribbean people are you really feel that is how the America or de world view TnT/ caribbean ppl...rubbish yuh talking dread.Post cards yuh say? come nah man make sense nah,I see post card from Mexico with Donkey cart and coconut wey man have on bussup shot an tear up pants so ah guess that means everybody in Mexico does ride donkey cart right?
You gehin tie up, de average Trini doh have to know wey Bora Bora or Chaing Mai or wey ever is, diaz de journalist wuk, dem is de one wey hah to get it right.Imagine ah country now done play in ah WC, make history,and de same journalist wey covering de WC eh know wey part ah de world dah country in ...steeuuuppps you cud say wey yuh want,the reason why dem journalist cud talk dah shit bout 'African nation' is total arrogance ,because dey feel dey know better,ignorance,becuz dey eh have ah clue and disrespect, becuz dey eh even take the time to get it right regardless becuz TnT is just ah small 3rd country.
