Gees man West...Jumbie did done akse dis question bout gift suggestions and we answer it. Yuh wassen payin attention or wha. Anyhooo...Jumbie was really aksin bout clothes.
What tuh buy, what tuh buy....
Depends on her taste an yuh budget
Like Dutty say.....(was it Dutty?) anyway) jewellry is always a good start
- A nice new coat wid maybe a pair ah matching gloves and scarf
- de latest digital Camera...if she doh have one and thow een a photo album
- A nice jewllry box. Bombay Store (all over Canada) closing dong and dey have big big sale. Ah nearly buy one yesterday but ah doh like tuh spen meh money and ah hoping tuh get one as ah present.
If yuh like dat idea....buy de tall, big one dat yuh could hang up de chain and dem too.
- Siddong behind de computer and use yuh talents and make up some gift certificates tuh do some special tings fuh her dat nobody else could do. <wink ..wink>
- and den buy a real Spa certificate some place nice fuh she tuh go after yuh harrass she too much and she could do wid ah lil stress reliever
- a weekend trip someplace nice
Daise meh ideas fuh now....ah gorn again