Greetings people. Ah doh have much on dis subject, all ah will say is dat ah really embarrassed dat we didn't qualify fuh de Gold Cup, but dat is history and water under bridge. Fack dat tournament fuh 2009 yes, let us focus on qualifying fuh de 2010 WC. All yuh need tuh have ah lil more confident in de team and Maturana. Well ah guess is de typical Trinbagonians behaviour, when things do go in we favor, is pure hate fuh de people dat involved. I eh no Maturana fan eh, so get meh wrong at all, but I do think he is good enough tuh deal wid de CONCACAF teams, as far making de team perform credible against big teams (Sweden, England, etc) like Beenie did, I don't think so. Whether de coach is good enough or not, ah go leave all yuh wid dis, I cud guarantee you all one thing doh, dat Latapy, Yorke, Jones, Stern, Carlos and Ince are good enough
. People those are our lethal weapons, so long as dem breddahs fit and ready, I not worried about ah damn thing
.
HIGHLY BLESSED.